تدرين جرحي وش هو اللي يزيده لامن عشقتيني وصرتي تجافين

رد: روايتي الاولى : تدرين جرحي وش هو اللي يزيده لامن عشقتيني وصرتي تجافين/


طوقني ذالك الانتقام
ولم اعلم اي ؟
الطرقات الملائمه له
هل اخطأت حين ابتليت به ؟
وهل اخطأت حين فكرت بالانتقام ؟
وهل سأضعف واعترف ؟ ام انني سأضحي به ؟؟
وهل .. سيأتي اليوم الذي انحني به
ويعلم انني كباقي حواء "عاشقه" لرجل جبلي ؟
صاحب النظرات العميقه ذو البشره السمراء ؟؟؟
ام انني سأقف بلذه الانتقام ؟
وبعثرت احاسيسه .. تاركه لعالم العشق !!
ليقضي الانتقام على حروف ابجديتي
(نعم .. ياسيدي " لتعلم بـأن هذا هو انتقام المرأه ) **


***********************

واقفه تتامل البحر , والحزن والحيره بعيونها
ماتدري شتسوي !
واخذتها ذاكرتها لبعيد
وهي تتذكرت الموقف اللي هزها هز واخذ الفرحه والبهجه من حياتها



قبل سنه بـ ايطاليا
كـ هدوء اليل وجمال النجوم في السماء في احدا ضواحي روما

كانت قاعده بـ الحديقه .. وتقرأ كتاب وهي مرتاحه ومستانسه بأنها خلصت الماجستير وبترجع للديره
بس فرحتها ما اكتملت , من الاتصال اللي جاها من خالها

خيال : ياهلا وغلا بـ هالصوت
ابو يعقوب : هلا فيج ( باين على صوته متضايق )
خيال : خالي فيك شي ؟ صوتك مو على بعضه
ابو يعقوب : خيال انا ادري فيج قويه ومؤمنه وهالطريق كلنا ماشين فيه
خيال بخوف : شنو صاير ؟؟
ابو يعقوب بحزن : ابوج عطاج عمره عظم الله اجرج
خيال منصدمه : ......
ابو يعقوب : خيال انتي تسمعيني؟؟
خيال : اكيد تجذب ابوي مامات
ابو يعقوب : خيال وانا ابوج
خيال قاطعته تبجي وتصارخ : اكيد انت تجذب ابوي مافيه شي ..

وحذفت الفون بالارض وهي مو مصدقه وظلت تبجي

بنفس الوقت قربو منها !!
ثلاث شباب ايطالين ( سكارى )

خيال بخوف تطالعهم وواحد قرب له مد ايده بيشيل حجابها

وقامت تصرخ وبعدته عنها : والله مامااات يجذبون علي انا احبه شلون يخليني هو وعدني يبقى معاي ليش خلاني !!

(وظلت تبجي ومو مصدقه)

وبنفس اللحظه .. كان رائد يمشي جنب الحديقه
وسمع صرااخها وشاف الشباب ( واحد يضحك ومو متوازن الثاني طايح على الارض والثالث مقرب عند البنت )

وشاف البنت شلون تحاول تبعد وخايفه , وقرب عندهم

( خيال شخصيتها قويه بس لانها الحين متأثره بـ موت ابوها ) ومو قادره تركز

والشاب لما كان بيمد ايده
جا رائد مسك ايده ودزه على الارض
ولف على خيال : اختي انتي بخير ؟؟

كان واحد من الشباب يبي يطق رائد من ورا
خيال صرخت : دير بالك
رائد لف على طول وقفه وسدحه على الارض
وعلى طول مسسك ايد خيال وطلعو من الحديقه

خيال بحزن : مشكور اخوي يعطيك العافيه
رائد : ماسوينا شي .. بس ياليت مره ثانيه ماتطلعين بهالوقت !
خيال ما حبت اسلوبه وردت ببرود : شكرا بس انا مو جاهل عشان توجه لي هالكلام وكملت طريقها وخلته
رائد تنرفز : وجعع بعينها مو كفو احد يساعدها ومشى وخلاها

*******

و تنهدت وهي تذكر اللي صار .. سنه مرت بدون ابوها وهي حيل فاقدته مو متخيله لين الحين حياتها من دون ابوها
قامت تتمشى عشان تنسى هالذكرى اللي ملازمتها !!

|| بيت الجاسر ||

دخل رائد البيت وهو معصب ويكلم فون
رائد : شفيك انت ماتفهم اقولك باجر ضرووري الملفات تكون جاهزه وعندي اذا ماكنت قد شغلت قولي اوظف غيرك , باي
ام رائد : شفيك حبيبي هد العصبيه مو نافعتك
رائد : ان شاء الله الوالد وينه ؟
ام رائد : ابوك بغرفته يقرأ قرأن وبينزل الحين
العنود : ياهلا باللي لفاني ياهلا .. خشمك خشمك عمي رائد
رائد يطالع فيها ورافع حاجبه : متى بتخلين هالمصخره ؟
العنود : افا ماهقيتها منك .. ياخي اضحك ليش كله معصب ؟
رائد : اسكتي وبلا هالفلسفه الزايده
العنود : الحياه حلوه
رائد : طنشها ومارد
ابو رائد : السلام عليكم
رائد باس راس ابوه : وعليكم السلام تقبل الله
ابو رائد : منا ومنك , هـا خلصت للي قلت لك عليه
رائد : ايهه يبى كل شي على ماتبي
ام رائد تطالع ابو رائد : رائد يما منت ناوي تتزوج ؟
رائد وهو ياكل : لا تو الناس
العنود : وين تو الناس انت عمرك 29 اللي بعمرك عندهم عيال
رائد يطالعها بنظره يعني اسكتي
ام رائد : وهي صادقه اختك اللي بعمرك عندهم عيال
رائد : يعني وبعدين ؟ لازم تعكرون مزاجي .. زواج مابي اتزوج !!
ابو رائد : الزواج نص دينك ولازم تكمله
رائد : ادري يبى بس مو الحين
ام رائد : الله يهديك

( بتكلم عن عائله الجاسر )
ابو رائد
رائد ولده الكبير 29 سنه يشتغل بشركه ابوه >> مغرور وعصبي ومو اي شي يعجبه
زايد 24 سنه يدرس بأمريكا >> مرح , حبوب عكس رائد
العنود 21 سنه اخر سنه جامعه (علم نفس) >> نفس زايد فله وتحب تضحك واجتماعيه
ابو طلال > الاب (متوفي)
طلال 28 سنه مو بس ولد عم رائد .. الا توأمه وحيل علاقته قويه معاه ويشتغل بالشركه
هبه 25 سنه مدرسه رياضيات > تحب رائد بس رائد مو معطيها وجه
دلال 27 سنه متزوجه وعندها توأم (سند ونوت 3 سنين ) > مدرسه عربي
********************
|| بـ المطعم ||

عبير : زين خيال خلاص متى بتشوفين عمرج وتشتغلين ؟
خيال : ما ادري مافكرت بهالموضوع
عبير : خيال حبيبتي اللي راح راح مانقدر نرده , وانتي معاج شهاده قويه ومو قاصرج شي
خيال : افكر واشوف ان شاءالله
عبير : اي فكري عدل , انا اعرفج قويه وبتردين احسن من اول

خيال :عبير انا حاسه امي مخبيه عني شي !
عبير : شي مثل شنو ؟؟
خيال : ما ادري عن حياتنا وليش صار جذي ؟ انا لي الحين مو مستوعبه !!
عبير : ماعليه انتي بسس تفكرين لو في شي قالت لج خالتي
خيال: ما ادري كل شي راح يبين
عبير : خلينا نرجع تأخرنا
**********

|| بيت ابو يعقوب ||

ابو يعقوب : ناديه لازم نقول للبنت
ام خيال : لا ما اقدر اقولها
ابو يعقوب : ناديه لاتنسين هذي وصية ابوها ولازم نقول لها
ام خيال : بس انت تعرف خيال لاعرفت مراح تسكت
ابو يعقوب : انا قلت رأيي وكيفج
خيال كانت تسمعهم ودخلت : انا كنت حاسسه انكم مخبين عني شي
ام خيال بتوتر : خيال اسمعني انتي مو فاهمه شي
خيال بجديه : الحين ابي افهم واعرف كل شي
ام خيال بستسلام : ابوج الله يرحمه قبل لا يموت وصاني اعطيج اوراق بس انا ماعطيتج هالاوراق لاني ادري مراح تسكتين
خيال : وين الاوراق !!!!!
ام خيال قامت وراحت لغرفتها ووراها خيال , وطلعت الاوراق وعطتها خيال
خيال اخذت الاوراق وقرت المكتوب ,

ووقفت مصدومه من اللي قرته : لاااا ياربي ليش كل هذا ؟ مو معقوله شلون جذي !!
وطالعت بخالها وهي مو مستوعبه وتهز كتفه : قول ان اللي قريته جذب ؟؟
وراحت لمها : يما قولي ان هذا حلم واللي قريته لايمكن يصير ..
ام خيال : عشان جذي ماكنت ابيج تقرينهم
خيال وهي منهاره من الصدمه : لااااا مستحيييل مستحيل ليه سكتو ليه ماقلتو لي ؟
ابو يعقوب : هدي وانا ابوج اللي صار صار انسي الموضوع
خيال معصبه : لا مراح انسى دامني حيه انا لهم الجاسر وطلعت
ام خيال : الله يستر مراح تعدي الموضوع على خير
ابو يعقوب : ماتنلام البنت

دخلت خيال غرفتها ودقت على عبير تشتكي لها

عبير : هلا وغلا بـ كلي
خيال : هلا فيج (باين انها منغثه )
عبير : اوف اوف النفسيه مو شي
خيال على طول قالت لعبير اللي صار
عبير : خلاص هدي انتي الحين منصدمه مو عارفهه تفكرين اذا هديتي راح تفكرين ععدل
خيال : لا انا مراح اهدى ولا راح افكر بشي واللي ابيه راح اسويه
عبير: هذي انتي ما تغيرين محد يقدر يقنعج بشي ماتبينه

******

|| بيت الجاسسر ||


ام رائد : شسوي بالولد
ابو رائد : يابنت الحلال خليه على راحته وهو يقولج متى بيتزوج ؟
ام رائد : هو بس لو ينوي والله لدور له بنت الحلال اللي يتمناها
ابو رائد : ليه تدورين وبنت عمه موجوده
ام رائد موعاجبها : والنعم فيها , بس لو رائد يبيها خطبتها له من زمان
ابو رائد : بنت عمه اولى فيه ولا نوى يصير خير
ام رائد : ان شاء الله
(ام رائد ماتعجبها هبه لانها مو جميله حيل وشخصيتها ضعيفه وهي تبي وحده شخصيه وهيبه وجميله )
|| وبفس الوقت بالصاله ||
العنود : اوف من هالبيت ملل كل واحد بروحه
رائد دخل : شفيج تتأففين ؟
العنود : ياخي اكسب فيني اجر وسو فيني خير
رائد : هههههه شتبين ؟
العنود : تزوج وونسني , على الاقل احس ان في احد بهالبيت
رائد : لا والله ابلش نفسي بس عشان الاخت مايضيق خلقها ؟
العنود : اي اي شعليك رجال وماتقعد بالبيت , اكيد منت حاس بمعاناتي
رائد : انتي ماوراج فايده , تصبحين على خير
العنود بملل : وانت من اهله

********

|| بيت ابو بعقوب ||


نزلت خيال وتبي تقول حق الكل اللي قررت له
خيال : زين الكل قاعد بقول لكم شي
ام خيال : خير يما شعندج ؟
خيال : كل خير ان شاء الله , قررت اشتغل
ابو يعقوب : اي احسسن من قعدت البيت
خيال : ايي اغير الروتين
يعقوب (اخو خيال بالرضاعه) : وشنو ناويه تقدمين عليه
خيال : بفكرر
ام خيال : على راحتج , انا بنام تصبحون على خير
الكل : تلقين خير
*خيال تأكدت ان امها راحت لغرفتها *
خيال : خالي انا ماقدرت اتكلم لان امي موجوده , في شي ابيك تساعدني فيه
ابو يعقوب : شنو هو ؟
قالت لخالها ويعقوب اللي براسها
ابو يعقوب : خيال هذا صعب وانا ما اقدر اساعدج باللي تبينه
يعقوب : انا ماعندي مشكله جهزي لي المبلغ واضبط لج كل شي
خيال : خالي تكفى لاتردني بس غير اسمي وخلني على اسمكم
بو يعقوب : طيب , وبشوف اخرتها معاج
خيال بفرح : مشكور خالي وانا باجر بجهز اوراقي
بو يعقوب : بس خلي ببالج الشركات الخاصه نادر مايشغلون حريم
خيال ابتسمت بثقه : وانت لا تنسى ان شهادتي مو اي وحده تاخذها
بو يعقوب : توكلي على الله

******

|| عائله بو يعقوب ||

يعقوب 26 سنه > شغله بشركه ابوه
ريهام 20 سنه > تدرس بالجامعه (علاقتها حيل حلوه مع خيال )



|| خيال صعدت فوق بغرفة ريهام ||

ريهام : زين خيول بس هذا المطلوب مانسيتي شي؟
خيال وهي تقرأ الملف : لا هيك تمام وكل شي مضبوط
ريهام : اوكي الحين ادزه
خيال : صج بغيت اسألج
ريهام : امري؟
خيال : ماشاء الله كامله ومو ناقصج شي ليش كل ما جا احد يخطبج رفضتي ؟
ريهام : ما ادري بس كل اللي يخطبوني مافيهم المواصفات اللي ابي
خيال : هههههههههه يابنت اذا جت على اللي نبي اجل ابشرج بنعنس , واقع مر
ريهام : هههههههه لا يعني اللي فبالي مو شي صعب
خيال : اسطوانت البنات هي هي وبالاخير يطيحون على وجيههم وينصدمون هههههه
رهام : ليش يعني انتي ماتفكرين بالحب او المواصفات اللي تبينها بزوجج ؟
خيال : لا طبعا انا الحب اخر شي افكر فيه .. محد يستاهل , انا كارهه جنس ادم هههههه
ريهام : لا بالله كدينا خير , الله يعين اللي بياخذج
خيال : قصدج يحمد ربه
وكملو سوالف لين نامو

***************

يوم مشرق جديد !!
وبدايه لخيال واللي تخاطر فيه *



|| بيت ابو رائد ||

رائد : ان شاء الله يبى كل شي بجهزه
ابو رائد : ان شاء الله , صج اليوم بتجي موظفه ولها مقابله عندنا
رائد وعلامه استفهام بوجهه : يبى ناسي ان احنا مانوظف حريم ؟
بو رائد : مو ناسي بس هذي غير !
رائد منصدم : شلون غير ؟
ابو رائد : البنت عندها علاقات بـ ايطاليا راح تنفعنا غير الماجستير اللي ماخذته
رائد معصب : خير هذا انا ماخذ ماجستير ..
ابو رائد : قلت لك اللي عندي وانا لي خبره واعرف اكثر منك
رائد طلع وهو معصب
العنود : خير يما رائد شفيه طالع معصب ؟
ام رائد : ابوج بيوظف بنت بالشركه ومو عاجبه الموضوع
العنود : غريبه مو من عوايد ابوي , ماينلام رائد
ام رائد : والله اخوج ماعنده سالفه , البنت يقول ابوج شاطره وتفيدهم بالشركه وشخصيتها حلوه وذكيه
العنود : هههههه اجل البنت طلعت ذات منصب من يشهد للعروس , هذا اللي تبينه انتي
ام رائد : ايي , شكلج منتي صايره مثلها
العنود : انا ما احب شغل الشركات , مع السلامه تأخرت
ام رائد : حافظج الله

********


||بالشركه ||

طلال : هههه انا الحين مو فاهم ليش انت حارق نفسك ؟
رائد معصب : لا والله ويا وجهك قايل لك نكته انا !!
طلال : لا بس مافيها شي اذا البنت راح تنفعنا
رائد : الله يهدي ابوي , عليه طلعات تقهر , يعني شلاقي فيها ؟
طلال : لو ان عمي يدري انها مراح تنفعه ماوافق انه يسوي المقابله لها
رائد : والله لو تكون اذكاء الاذكياء مراح تعيين
طلال : كبر عقلك ياولد , وبعدين مالنا شور غير شور عمي
طق الباب !!
رائد : تفضل
السكرتير : الوالد ينطركم بالمكتب
رائد : البنت وصلت ؟
السكرتير : على وصول
رائد : يالااا جاين
السكرتير : طلع وسكر الباب
رائد لف على طلال : شفت هذي من اولها متأخره
طلال : لا انت مخك ضارب , ترا مقابله شفيك شاد حيلك
رائد : لايكثر بس , يلا نروح للوالد



وصلت خيال للشركه !!
ودخلت بخطوات واثقه بكل جبروت وطبعا الكل يطالعها بيشوف المرأه اللي كسرت قوانين الشركه


فيصل : حياج الله .. انسه خيال تفضلي معاي
خيال : الله يحيك
ابو يعقوب بستغراب : شفيهم يطالعون جذي ؟
خيال : مستغربين ان انا اول مرأه تشتغل بالشركه
ابو يعقوب : الله يستر منج
خيال بثقه : ماعليك لاتخاف كل شي بوقته حلو
فيصل : دقيقه من فضلج , وطق الباب


بو رائد: تفضل
فيصل: وصلت طال عمرك
بو رائد : خلها تفضل
رائد متنرفز :استغفر الله
طلال كاتم ضحكته : هد هد مو مستاهله
فيصل : تفضلي


خيال دخلت بكل شموخ وثقه وكأنها سيده اعمال : السلام عليكم
ابو رائد : وعليكم السلام حياج , تو مانورت الشركه
خيال : الله يحيك معاك خيال الرافع ( طبعا بعد ماغيرت اسم العائله ) وهذا خالي عبدالله بويعقوب
بو يعقوب : مد ايده
ابو رائد صافحه :اهلا اهلا تشرفنا
خيال لفت صدفه على رائد لما شافته انصدمت بقلبها : لا مو صج معقووله هالصدفه !!
رائد يطالع بعيونها وبقلبه : ياربي صوتهاا ونظراتها مو غربيه علي ! بسس ما اتذكر
ابو رائد :تفضلو استريحو هذا رائد ولدي وهذا طلال ولد اخوي
خيال بقلبها : ياويلي هذا طلع ولده
طلال : حياكم الله شرفتونا
بو يعقوب : الله يحيكم
ابو رائد : شنو تشربون ؟
خيال : مشكوور بس يالت نبلش على طول
رائد ببرود : لا ولو هذي اول زياره لازم نضيفكم
ابو يعقوب : مشكور بس مثل ماقالت خيال نبدأ احسسن
ابو رائد عجبته جديه خيال : طيب على بركة الله
خيال : طبعا قريت الملف , ااذا في اي استفسار تفضل
ابو رائد : اكيد قريته وهالشي هو اللي خلاني اوظف مرأه بالشركه
خيال : حلو , بس انا عندي شروط بقولها قبل لا توافقون على توظفيي
ابو رائد : تفضلي
خيال بثقه : اولا افضل يكون لي مكتب خاص , والمنصب مديره وما اقبل اقل من هالشي !
رائد منبهر : بسس انتي هذي اول وظيفه لج وماعندج خبره , صعبه تكونين مديره !!
خيال بكبرياء : الخبره تكون بالعقل , مو شرط بكثره الاعمال واجد ناس لهم عمر بالشغل بس ماعندهم خبره .. هذا كل اللي عندي واذا رفضتو انتو اللي بتخسرون
ابو رائد : شلون يعني نخسر ؟
خيال بغرور : يعني بكل بساطه انا بـ اسبوعين بس راح اربحكم اضعاف اللي تربحونه بشهر او شهرين
ابو رائد متعجب ويفكر (البنت واثقه من نفسها وانا مراح اخسسر شي بنجرب ) :طيب موافق على هالشروط
رائد بعصبيه : بس يبى مايصير جذي !!
ابو رائد : خيال من باجر راح يبدأ دوامج
خيال وقفت : اجل نقول مبروووك عليكم انا ومدت ايدها تصافحهم
ابو رائد : الله يبارك فيج
ابو يعقوب : يلااا نستأذن , وطلعو
رائد : يبى مايصير جذي ..اي احد يقول اربحك توظفه على طول ؟
طلال :اي عمي شروطها قويه شوي
ابو رائد : لاتنسون نفسكم , انا لو شايف انها مراح تنفعني ماوظفتها وانا ادرى منكم
رائد طلع من المكتب وطلال لحقه
بنفس اللحظه خيال وابو يعقوب طالعين من الشركه !!
ابو يعقوب : خيال مو كأنج شوي صعبتيها بشروطج ؟
خيال : لا طبعا انا استاهل اكثر من جذي , شهادتي مو ماخذتها عشان اتقارن مع اي احد
ابو يعقوب : والله ما ادري شنو اخرتها معاج
خيال : كل خير ان شاء الله كلمت يعقوب عن الشركه ؟
ابو يعقوب : اي وخلصت كل شي
خيال : الحمد لله هذي بدايه خير

*************************


|| نرجع للشركه بـ مكتب رائد ||


طلال : لاحول ولا قوه الا بالله .. خلاص رائد ماله داعي كل هالعصبيه
رائد : شنو اللي ماله داعي انت شفت شروطها كأنها راعيه الشركه !!!
طلال : البنت من حقها , انت شفت شهادتها .. اقوا من شهادتك
رائد : نعم نعم تخسى تقارنها فيني
طلال : نتكلم بجديه البنت باين انها ذكيه وغير هذا شهادتها صعبه لاتنكر هالشي
رائد :اوف ما انكر انا ما ادري من وين جت هذي
طلال : والله انت اللي متعب نفسسك على الفاضي , اخليك وراي شغل

ومر اليوم مثل العاده بالشركه
وبدأ صباح جديد على خيال واول دوام لها *


|| بالشركه ||

ابو رائد : ها فيصل جهزت المكتب ؟
فيصل : كل شي تمام طال عمرك
ابو رائد : يعطيك العافيه

وصلت خيال .. وفيصل رحب فيها ودلها على مكتبها
خيال : يعطيك العافيه
فيصل : الله يعافيج اي شي تحتاجينه انا موجود , وطلع !
خيال وهي تتأمل المكتب حلو وراق لها : الحين بدا الجد

رائد شاف فيصل وهو طالع ورايح لـ مكتبه !!
رائد : فيصل بغيت اوراق المناقصه اللي عند ابوي
فيصل : استاذ اسمح لي انا مشغول بودي بعض الاوراق للانسه خيال
رائد بعصبيه : ماشاء الله هذي من الحين تأمر , اخلص وجيب لي الاوراق
فيصل : ابشر
رائد : والله وكدينا خير , ماصار لها نص يوم والكل تحت امرها بس ماعليه يصير خير


|| نرجع لخيال بـ مكتبها !!

( قاطه اللثمه تريح دام مافي احد ) وماسكه الاوراق تشتغل
وفجأه دخل رائد وهو معصب
خيال نست انها مو لابسه اللثمه ومندمجه بالوراق ومنزله راسها : في شي اسمه اتكيت وطق الباب ورفعت راسها وانصدمت ..
رائد منصدم اكثر منها > حال صمت عما المكان
رائد ابتسم : وانا اقول هالصوت مو غريب علي
خيال على طول البست اللثمه : خير في شي ؟
رائد لي الحين مو مستوعب : ......
خيال : مطول يالطيب ؟
رائد تذكر : اي اسمعي انا من الاول مو راضي بوجودج
خيال ببرود : المطلوب ؟
رائد : بس بحذرج لاتنسين نفسج وتصدقين عمرج
خيال : عجيب والله , تهدد ؟ ماصار لي يوم مداومه !!!
رائد : ما اهدد بس بحذرج , حدودج لاتفكرين تتعدينها فاهمه ؟
خيال وقفت قدامه وردت بقوه : عفوا مو انا اللي اتهدد ولا ابي تحذير وحدودي مو شغلك اذا تعديتها
رائد انصدم من هيبتها وعجبته : صدقيني انتي اللي بديتي وتحملي
خيال : شوف اخ رائد مو انا اللي اتعامل بهالاسلوب , ولو سمحت تفضل اطلع برا , ولا تخليني اتمادى معاك
رائد عصب : لا تخليني احطج ببالي مراح يصير خير
خيال بغرور : لا تكفى حطني فبالك , واللي يطلع معاك لاتقصر فيه
رائد بلعانه : يعني عادي ومو خايفه
خيال بقوه : لا طبعا مو خايفه لا منك ولا من تهديدك
رائد بخبث : قرب منها مشكلتج مرأه وبتظلين مره وبتخافين
خيال : بس انا غير انا ما اخاف وعن مية رجال
رائد قرب يبي يخوفها ووحاوطها : يعني مايهمج ( وسحب لثمتها )
خيال فهمت عليه وماتبي تبين انها خايفه من قربه
رائد صارت انفاسه على انفاسها : صدقيني انتي اللي بتندمين على حظج اللي قطج هني
خيال بثقه : لاتقصر بشي
رائد بحركه تعمدها باس شفايفها بخفه
وهي بسرعه بعدته عنه ومدت ايدها بتطقه طراق
رائدمسك ايدها بعصبيه : اقص ايدج قبل لاتمدينها علي
خيال بعصبيه : وقح وماتستحي على وجهك
رائد ابتسم : الايم بينا وطلع